মালেম শিন্থুংবদা বাহা’ই খুন্নাইনা পায়খৎলিবা খুন্নাই শেমগৎপগী তোঙান তোঙানবা থবকশিংগী ময়াইদা লৈরিবসি মশাখিংবা অমসুং ৱাত্ত-পাদবা খুন্নাই অমা শেমগৎনবা দরকার ওইরিবা তোঙান তোঙানবা প্রোগ্রামশিং অমসুং থবকশিংদুবু হৌদোক্নবা নহাশিং অমদি অহলশিংগী তৌবা ঙম্বা শেমগৎপা দিসেস্ত্রেলাইজ ওইবা মহৈ মশিংগী থবক অমনি। মসিগী মহৈ মশিংগী থবক অসি অপীকপা, ইনফোর্মেল ওইবা ‘ষ্টদি সার্কল’ হায়না খঙনবা অপীকপা কাঙলুপশিংদা ফঙহল্লি। মসিগী ষ্টদি সর্কলশিংসিগী curriculum অদু, তাইবং মপুগী ৱাহৈশিংদা য়ুম্ফম ওইদুনা, হৌরকফম পূম্নমক্তগী লাকপা মীওইশিংগী বুধি লৌশিং, লমচৎ শাজৎ, নুংগী ওইবা অমসুং থবক্কী ওইবা তৌবা ঙম্বশিং শেমগৎনবা পান্দমদুবু য়োকখৎপনি। মসিদা অঙাংশিংগী নুংগী ওইবা মহৈ মশিংগী ক্লাসশিং তাক্নবা ওজা ওইনা, লাইশোল মীফম শিন্দুনা, অমসুং ষ্টদি সার্কলশিংগী ট্যুতরশিং ওইদুনা তোঙান তোঙানবা থবকশিং তৌদুনা খুন্নাইবু সেবা তৌনবগী তৌবা ঙম্বশিংদু শেমগৎনবা থঙনা থঙননা লৈরিবা কোর্সশিং য়াওরি।

মথঙ মথঙ লৈরিবা কোর্সশিংদুদা শরুক য়ারিবশিংদুগা লোয়ননা ষ্ট্রকচরদ ওইবা অদুবু অনোপ অতিং য়াবা, শিন্দমশঙ হায়না খঙনবা সেবাগী লম্বী অমদা চৎমিন্নৈ। মসিগী লেপ্তনা চঙশিল্লিবা থবক অসিনা মীওই কয়া কয়াবু তাইবং মপুগী ৱাহৈশিংগী মতাংদা অমদি মদুনা মখোয়গী পুন্সিদা অমদি খুন্নাইদা করি ৱাহন্থোক লৈবগে হায়বগী মতাংদা মুন্না খন্থবা ঙমহল্লি, অমসুং মখোয়না তমশিল্লকপদু মখোয়গী খুন্নাইবু হেন্না ফহন্নবগীদমক্তা পানশিন্নবা পুন্না হোৎনরি।