মহাক্কী শাফোঙবা অসিগী অপুনবা মালেম অমা শেম্নবগী পান্দম অদু শোইদনা ফঙহন্নবা – অমসুং বাহা’ই খুন্নাইগী অপুনববু ঙাকশেন্নবা – বাহা‘উ’ল্লাহনা মহাক্কী মচানুপা অহল, অব্দুল-বাহাবু য়ানবগী (Covenant) ময়োল ওইনা হাপখি অমসুং তেংপানগী অচুম্বা ৱায়েল লৈঙাকশঙ শেমগৎনবা নোংদম্বীরম্মী। মদুগী মতুংদা, অব্দুল-বাহানা তেংপানগী অচুম্বা ৱায়েলনা মথৌ পাঙথোক্নবা চৎনপথাপশিংদু শেম্বীখি অমসুং মহাক লৈখিদ্রবা মতুংদা, বাহা’ইশিংনা মহাক্কী মশুনুপা অহন, শোঘি ইফেন্দীদা ওনশিনগদবনি হায়না তাকপীরম্মী, মরমদি মহাক্না শোঘি ইফেন্দীবু বাহা’ই লাইনিংগী ঙাকশেল পুরেল ওইনা হাপ্পীরমলে।

তেংপানগী অচুম্বা ৱায়েল লৈঙাকশঙ অমসুং ঙাকশেল পুরেল অনীমক্তা চৎনপথাপশিংদু চৎনহন্নবা, আইনশিংবু নিয়োম ওইনা চৎনহন্নবা, সঙস্থানশিংবু ঙাকশেন্নবা, অমসুং বাহা’ই লাইনিংবু লেপ্পা লৈতনা খুমাঙ চাওশিল্লিবা সমাজ অমগী দরকারশিংদুগী মতুং ইন্না শেম্বীনবা মথৌ পীরম্মী।

চহী ৩ ৬ চুপ্না, থোইদোক হেন্দোকপা অশানবা ৱাখল, লৌশিং অমসুং কত্থোকপগা লোয়ননা, শোঘি ইফেন্দীনা বাহা’ই খুন্নাইনা মীওইবা জাতী অপুম্বগী মখল মথেল কয়াগী খেন্নবশিং হেন্না হেন্না থক্তোরকপগা লোয়ননা, মদুগী চাওখৎপবু য়োকখৎলম্মী, ভাব তাববু মরা চেৎহল্লম্মী, অমসুং বাহা’ই খুন্নাইনা অপুনববু মপাঙ্গল কনখৎলম্মী।

শোঘী ইফেন্দীগী লমজিং লমতাক্কী মখাদা, খুন্নাইগী থবক থৌরমশিংবু য়েঙশিন্নবা বাহা‘উ’ল্লাহনা শেম্বীরম্বা তোপ তোপ্পা লৈঙাক্নবগী সিষ্টেম অদু থুনা য়াঙনা মালেম শিন্থুংবদা চাওখৎলম্মী। মহাক্না বাহা’ইগী অশেঙবা অইবশিংবু ইংগ্রাজীদা হন্দোকলম্মী। হোল্লি লেন্দ (অশেংবা লমদম)দা লাইনিং অসিগী নুংগী অমসুং লৈঙাক্কী মফমশিং চাওখৎহনখি, অমসুং, চিঠি লিশিং লিশিং ইদুনা, সভেত্যগী নুংগী ওইবা মায়োলগী মতাংদা অমদি খুন্নাইগী ওইবা অহোংবগী মতাংদা লোইনরিবা অকা অকুমগী মরমদা য়াম্না ৱাহন্থোক লৈবা জ্ঞান পীবিরম্মী, অসুম্না মীওইবা জাতীনা চঙশিল্লিবা পুক্নিং হুনিংঙাই ওইরবা মিৎয়েং অমা হাংদোকপীরম্মী।

Exploring this topic:

The Life and Work of Shoghi Effendi

Guidance and Translations

Shoghi Effendi’s Passing

Quotations

Articles and Resources