তরামাপলশুবা চহীচাগী মীয়াই চল্লকপা মতমদা – মালেমগী পুৱারীদা খ্বাইদগী তমথিনা কাংখোং চাইরবা তাঙ্ককশিংগী মনুঙদা অমা ওইরিবা-নহা ওইরিবা লল্লোনবা অমা মহাক অসি মীওইবা জাতীগী পুন্সিবু হোংহন্নবা নোংদমখ্রবা পাওজেল অমা পুরকলিবা মীওইদুনি হায়না লাওথোকখি। মতম অদুদা মহাক্কী লৈবাক ওইরিবা, ইরান্দা পাকতক্ননা লমচৎ শাজৎনা মরাইচাইথরকপা মতমনি, মহাক্কী পাওজেলদুনা থাক খুদিংমক্তা লৈরিবা মীওই পূম্নমকশিংগী মরক্তা হরাও নুঙাই অমসুং আসা য়াকাইহল্লম্মী, থুনমক মীওই লিশিং কয়ানা মহাক্কী তুং ইনবশিং ওইরকখি। মহাক্না ‘‘বাব’’ হায়বা মিংথোলদু লৌরম্মী, অরাবীক্তা মসিগী ৱাহন্থোক অসি ‘‘থোঙ্গাল’’ হায়বনি।

নুংগী ওইনা অমদি লমচৎকী ওইনা হোংদোক্নবা মহাক্না কৌবীরকপা, অমসুং নুপীশিংগী থাক অমদি লাইরবশিংগী ফিভমবু ফগৎহন্নবা মহাক্না মিৎয়েং চঙশিল্লক্তুনা, বাবনা নুংগী ওইনা নৌথোকহন্নবগী পীরম্লিবা লাইয়েঙ অদু পুমনৌ নৌবা অমনি। মতমদুমক্তদা, মহাক্না তোপ তেপ্পা, মনিংতম্বা মশামক্কী ওইবা লাইনিংলোন অমা হৌদোকলম্মী, মহাক্কী তুং ইনবশিংবু মখোয়গী পুন্সিশিংদু হোংদোকচনবা অমসুং অথৌবগী ওইবা মতিক লৈরবা থবকশিং পাঙথোক্নবা থৱায় হাপ্পীখি।

মীওইবা খুন্নাই অসি অনৌবা চক অমগী থোঙজিলদা লেপলরে হায়না বাবনা লাওথোকলম্মী। চহী তরুক খক্তমক চৎনগদবা, মহাক্কী থৌদাংদি, শান্তি অমদি অচুম্বা ৱায়েলগী চক অমা পুবীরক্কদবা তাইবঙ মপুগী লাইপোক অমা লাক্লগনি হায়না মালেমগী লাইনিংলোন পূম্নমক্তা ৱাশকলম্বা বাহা‘উ’ল্লাহগী লম্বেলদুবু শেম শাবনি।

Exploring this topic:

The Life of the Báb

The Bábí Movement

The Shrine of the Báb

Quotations

Articles and Resources