“অহিংবগী মালেমদা লাইশোলদগী হেন্না থুম্বা অমা লৈতে। লাইশোলগী ফিভমদা মীওইবনা হিংগদবনি। লাইশোলগী ফিভমদা মীওইবনা হিংগদবনি।লাইশোল অমসুং নোল্লুক্না হায়জবগী ফিভমনা খ্বাইদগী থৌজাল ফঙলবা ফিভমনি। লাইশোল হায়বসি তাইবং মপুগা ৱারী শান্নবনি।খ্বাইদগী চাওনা ফঙবা য়াবা মহৈ নত্রগা খ্বাইদগী থুম্বা মওংসি তাইবং মপুগা ৱারী শান্নজরিঙৈ নত্তনা অতৈ করিগুম্বা অমত্তা লৈতে।”
— অব্দুল – বাহা
ইন্দিয়া শিন্থুংবদা লৈরিবা খুঙ্গং অমদি য়ুমলোন্নবশিংদা পুন্না লাইশোল তৌমিন্নবগী মীফমশিংনা মরাংকাইনা পাঙথোরকপদু ঐখোয়না উরি। থৱায় লিশিং লিশিংনা য়ুমশিংদা খেন্ন-খেন্নবা ফিভমশিংদা থা-খুদিংগী, চয়োল খুদিংগী, নত্রগা নুমিৎ খুদিংগী লাইশোল হায়নবা, অশেঙবা অইবশিংদগী পাথোক্নবা, অমসুং মখোয়গী পুন্সিদা, মদুনা করি ৱাহন্থোক লৈগদগে হায়বগী মতাংদা ৱা-তান্ননবা পুন্না পুনমিন্নরি।খেন্ন-খেন্নবা চহী অমসুং হৌরকফমশিংদগী লাকপা মরুপশিংনা পুল্লিবা মসিগী অপিকপা মীফমশিংসিনা মদুদা য়াওরিবা লন্নাই মীওইশিংদুগী নুংগী ওইবা পুন্সিবু য়োকখৎপী, লোয়না লোয়ননা লমদম অমদা লৈরিবা নুংগী ওইবা অপুনবগী লিপুন অমদি খুন্নাইদুবুসু হেন্না চেৎশিন্না পুন্সিনবি।
তোঙান তোঙানবা হৌরকফম খুদিংদগী লাকপা মীওইশিংনা লাইশোল তৌনবা অমসুং ধ্যান তৌনবা লাইশঙশিং বাহা’ই খুন্নাইগী লৈজরবসু (খুদম ওইনা দেল্লিদা লৈবা Lotus Temple হায়না খঙনবা অসি মশকনাইবা খুদম অমনি), বাহা’ইশিংনা মসিসু থাজৈ মদুদি মীয়াম অমনা তাইবং মপুবু নিংশিংনবা পুল্লিবা মফম খুদিংমক থৌজালবী অমসুং লাইশঙমক্নি হায়না লৌই। বাহা’ইগী থাজবদা পুরোহিৎ লৈতবনিনা, ঐখোয় ঐখোয়গী খুন্নাইবু নুংগী ওইনা চাওখৎহন্নবগী থৌদাং অদু ঐখোয় খুদিংমক্কী ওই, অমসুং লাইশোল মীফমশিং শিনবসি লন্নাই মীওইশিং অমদি ইমুঙ মনুঙশিংনা মসিগী থৌদাং অসিবু পাঙথোকপা য়াবা লম্বী অমনি।
